قبرك لسه غير قابل لموتك

(قبرك لسه غير قابل لموتك)







مولود وفوقى الف جزع تقيل مقيد صرختى

وخلاصى كان فوق ام خالصة مدمعة

وف وسط كل الاقنعة

مفحوم فى وسط الطل بنده بالبكا

على اى شىء بالفطرة يحضن جتتى

وف لهفتى

لقتنى بس يادوب قلب مستور بالبدن

مفطوم بصبر ومر حاجة ضايعة منه

لكنه كان مستنى سرسوب الامل

من وسط قلب سحابة بتخبى الفلق

لكن لقتنى بتخلق

علشان اشيل الموت فى مهدى فوق كتافى

واقضى غايتى فى الحياة

وفضلت عمرى استنى بكرة

وبكرة تايه مش لاقيه

مالقتش فيه

غير صوت بيحكى مهمتى

بيضيق وبدخل بين ضلوعى

بلهجة ضاع فيها البراءة والاتظار

دايما تقولى عالمقدر

ولقيت بنفس الصوت بفجر فيه صوتى

واقول خلاص ان الاوان

وبايدى باسند عالحيطان

علشان اطلع جوه منى خطوة واحدة فى الطريق

اول واخر خطوة محسوبة فى حياتى

وف عز مشوارى لمماتى بتنكتب

لحظة ميلاد شمسى الاخيرة

فى روح جسدها بيتنفض

وعيون كسيها نياب بتاكل كل عرض

وغشاء بكارة اتفض بين رجل الوطن

واما الزمن اختار قيامة الليل تقوم

حسيت بنبرة لوم كهينة

عماله تخنق فيه نغمة خطوتى

وتقولى قبرك لسه ةغير قابل لموتك.........



















15