خلود العشق

يا إلهي .. أسألك .. لا تقطعه
                   عن معالم هالغرام بْكل نوب
لي وليف ٍ زعزع امسي .. زعزعه
                   من مشارق عشق لمفارق غروب .. !!
من عرفته بالجهات الأربعه
                   صار دربي باتّجاهه فالدروب .. !!
والدليل : انّي فـْ( غياباته ) معه .. !!
                   ولو اغيب يْكون ( حاضرني ) واذوب .. !!
جيت له مشتاااق .. نار ٍ مُولِعه
                   جاحد امْسي .. مؤمن وْكلّي ذنوب .. !!
في مسافاتي .. تعلّمت اتبعه
                   في شمال ٍ صار بعْيونه جنوب .. !!
من خلود العشق .. لحْدود السعه
                   صرت احس ان الزمن ما به عيوب
واثرني مرهون في شور اصبعه .. !!
                   واكتبه .. كنّي اشارك في حروب .. !!
بعثر احساسي وانا جيت اجمعه
                   وكل ما لملمت يعصفْه الهبوب .. !!
كل شيطان ٍ بشعري فزّعه
                   وصار يلبسني جنوني لبْس ثوب .. !!
الطلاسم .. لعنبوها .. تركعه .. !!
                   تسجد بْآيات سحره .. ما تتوب .. !!
والشعر .. واركان قافه .. واضلعه
                   في جسد شاعر .. يسولف للقلوب .. !!