تتذاكى على استاذك !!

انـت ورْع وْ تكـتب بْـريـشــك مـعـانـاة السفـيـنـه !!
                   لا نبت لك ريش هـِـزّه .. يوم نكـّـست الصواااري
قــبـِّـل الما تحْــت رجلك واشرب عْروق الغبينه
                   واسجـد بْـذلـّـك كـسيف ٍ .. تحـْـت أقدام الجواري
مــا عــرفت ان الليالي تضحك وْ تمسي حزينه ؟!
                   ما عرفت ان الملامح ما درا عـنـْـهـا المـُـواري
مــا عــرفت ان الملوك اللــي بـهاذيـك المديـنه ..
                   هي عزيزه دون ذلـّـك وانت في ذيــك الحَواااري
يــا غبي وشلون تتذاكى على اسْتاذك بـ ( سينه )
                   عـلـّـمك حتـّى الحروف الأبـجـديّه والـحِــوااري
انت تغرق وسـْـط قطره من عرقـْـه اللي بْجبينه
                   انت تغرق وسط نقطة حرف واحد جااك ضاري
يا صغـيّـر جـاك حرف ٍ شـيّـب الروس الذهـينه
                   نـوّخـت لـه كـلّ كـلمه .. ما لقى لـه مـن يـباري
فــوق متـني جيـت عابر .. يا غبار ٍ مات طينه
                   طحت من متني مسحتك .. مات طينك يا غباري