سيف وينك .. ؟!

سيف وينك ؟؟ ما نشوفك من زمان .. !!
                   قلت ويني ؟؟ والله مدري سيف وينه .. !!
آه ويني !! تايه ٍ من علم كان
                   كنت غارق وانتظر رجعة سفينه .. !!
سيف تايه .. لا زمان وْ لامكان
                   مغترب روح وْ أحاسيسي سجينه
وين ربعي ؟؟ من لعهد الأمس صان .. ؟!
                   ثلثهم ما مدّ طهره في يدينه .. !!
وثلث ٍ آخر .. مع ظروف الوقت لان
                   ما بقى الا ثلث واحد .. يا غبينه
منهم اللي سدّ لي ديني وعان
                   ما أوفّي له بعمري نص دينه
ومنهم اللي نكّس الرايه وخان
                   رايتي بيضا .. وهو اسود جبينه .. !!
رحت كنّي راسب ٍ في الإمتحان
                   غبت .. لا تنشد وتسأل سيف وينه .. ؟!