قـلبي زجـاجـي ..

مشكلتي ان قلبي مع الناس شفـّـاف
                   ينثر سجايا نيّته حبّ وزْهور
قلبي زجاجي كلّ ما فيه ينشاف
                   واكثر عباد الله ترميه بصْخور .. !!
صافي نوايا واجحد الزيف ما خاف
                   والعن شياطين التلوّن مع الزور
أمشي على النيّه ولا نيب عرّاف
                   وآقول حيّ اللي من الله ومشكور .. !!
ما همّني لو ذمّ ملعون الاسلاف
                   ما دام علمي طاب مع مطلع النور
صنت النظر .. ما لدّ للمقفي خْلاف
                   ملعون ابو الحاجه وطزّين فالجور
الحرّ ما ينهدّ في كل ميلاف
                   والشاعر يْعيّب على بيت مكسور .. !!
إن مرّ شيطاني وبه هاجس ٍ عاف
                   تمتمت ادرّجها على لحْن مجرور .. !!