شفته مع الصبيان

ماني على ما قيل متسلـّـي
                   بعد الذي قد شافته عيني
ولا نيب قايل خلـّـه يْولـّـي
                   ماهوب من طبعي ولا ديني .. !!
لي صاحب ٍ يا جعْله يْشلـّـي
                   والا يجنّب علمه الشيني
شفته مع الصبيان في ذلـّـي
                   يتبع رداهم والشياطيني
خابرْه رجْل ٍ حر متعلـّـي
                   من نسْل قوم ٍ علمهم زيني
والحين تاه وْ ليته يْدلـّـي
                   درب المراجل واضح يْبيني
مثل الذي صايم ولا يْصلـّـي
                   ما دام يتبع هالملاعيني
ما عاده يْرحّب ولا يْهلـّـي
                   وما عاد يسمع لي ويوحيني
اغووه غيّ ٍ ممتلي غلـّـي
                   حقد ٍ مدسّس بالشراييني
يا ربّ يا عالم بكل اللي
                   بالصدْر واللي كان خافيني
يا رب تهدي كل من ظلـّي
                   تهديه يا ربّي وتهديني