القــلـب داعـي لـه

عزّ الله انّي متمّم فيه ومْوفـّي
                   حق الصحيب الذي صدّ وْ بدا ميله .. !!
ومن عادتي .. ماتْبع اللي صدْ ومقفّي
                   واللي تخيّر بديلي .. حان تبديله .. !!
هدّ العهود القديمه وانهدم صفـّي
                   واوحيت خلفي صفوف المجد تنعي له
ولاقيت منهو تصافق كفّه بْكفّي
                   صان العهود وْ صعيب الامْر يثني له
كم فيه شعري يشبّ النار ويْطفّي
                   اعزف له الذنب ويحرجني بترتيله .. !!
والا الذي راح ما لبّى معه شفـّي
                   مانيب في حاجته والقلب داعي له
الله يوفقـْـه ولو هو راح متخفـّـي
                   ما ظنّي انسى مواقفـْه وْ مراجيله .. !!
يا رِجْل عن دربهم وبيوتهم .. خفـّـي
                   ويا قلب لا تتعب اللي عذّبه ليله ..
ما دام انا في عهوده صادق مْوفـّـي
                   لا عاد تتعب وريدي .. لا تنادي له .. !!