مخاوين إسْعدي

بسم الله الرحمن باسْمه أبتدي
                   ثم التحيّه يا خويّي والسلام
جيتك وانا اللي بالمعزّه مقتدي
                   ولولا المعزّه كان ما جاك الملام ..
الحين انا خصمك وَأَنت المعتدي .. !!
                   ولا جاز لي منك المجامل بالكلام .. !!
القلب دقـّـه قولة فلان الرّدي :
                   (صاحبْك عافك .. من بعد عام ٍ وعام) .. !!
من قالها .. حسّيت نار ٍ بجْسدي
                   واوْقدْت هاجوس القصيد المستضام .. !!
شعر ٍ يسولف لي عن امسي .. أو غدي
                   ثم يودع النفْس العليله للحطام
وانت اخبر بْميلة مخاوين إسْعدي
                   حاشمْك عنْهم وانت كفْو الإحتشام
واجب عليك انّك لربّك تحمدي
                   إنّي كتبت الك القصيده فالدوام .. !!
انا اشهد انّي لو مسكتك في يدي
                   إمّا ضربتك !! أو بديتك بالسلام .. !!