استريحي يا الظنون الثايرة

استريحي يا الظنون الثايرة



لا تشبين الحرايق بالخضر



دام الافلاك بسماها سايره



كل مطلع شمس له علم و خبر



يستقيم الخط والا دايرة



الله اعلم وش مع غيب القدر



العفو ماهي بعيني حايرة



حيرتي بالفكر ماهي بالنظر



و روحي اللي في فلكها طايرة



مالها لو حولت عندي مقر



يوم زادت بالثرى عثايره



حلقت و الجو محفوف الخطر



بعض تلات الخوافق جايرة



و الذي قد جرب التله عذر



التوى قلبي على سرايره



و الهوى فضاح مكنون البشر



لو بغيت اجحد تبين فايره



له حريق و له شعاع و له شرر



و الغزالة في فلاها ذايره



الله اقوى قد لها فوق الشهر



من يبشرني و له بشايره



السما و نجومه بشارة قمر



قالها اللي فتحت بصايره



شاف و استعبر و عبر و عتبر