أنا تسّلى بالشعر لـي توصّفـت

أنا تسّلى بالشعر لـي توصّفـت
وإلاّ فلا بالقـول مهنـة حياتـي

ما قد سرقت البيت وألاّ تسلّفـت
ما أقلّد الشّعار شعـري مرآتـي

أنظم ثلاث عقود واليـوم ولّفـت
مع أول الرّابع ثـلاث خزراتـي

ما أناظر اللي راح.. ما يوم وقّفت
عيني لباكر وش معه لي ابياتـي

ولاني بقايل(ن) ليتني ما تصرّفت
الحمد لله حافـظ(ن) كـل ذاتـي

وش عادلوني في حياتي تكلّفـت
يلعن ابو قلب(ن) ترّيـح وماتـي

كنّي مع نجوم اللّيالـي توظّفـت
أساهر النّجمـات حـل المباتـي

وأسبابه اللّي من عيونه تعرّفـت
إني قتيله يـوم شـال الغطاتـي

أنا أشهد إنّي في غرامه تطرّفـت
وصلت حد الموت قصدي مناتـى

من أول(ن) في حب خلّى تلطّفت
واليوم أقول ألطف بحالي غناتـى